Ուկրաինացիները մեզ անվախության դաս տվեցին. Լիա Ախեջակովա

ՌԴ ժողովրդական արտիստ, հայտնի դերասանուհի Լիա Ախեջակովան, որը բազմիցս  հանդես է եկել Պուտինի քաղաքականության դեմ, իր կարծիքն է հայտնել Ուկրաինայում ծավալված բողոքի ցույցերի վերաբերյալ:

Նա նշում է, որ երբ երկու տարի առաջ Ռուսաստանում սկսվեցին Բոլոտնիի ցույցերը, ինքը ոգևորվեց, սակայն շատ արագ վրա հասավ հիասթափությունը:

«Ուկրաինայում ամեն ինչ այլ է:  Ես մեծ հարգանքով եմ  վերաբերվում այդ մարդկանց: Նրանց  կարող են դաժանորեն ծեծել, նրանք կարող են հիվանդանոց ընկնել, կարող են բանտարկվել, սակայն նրանք չեն վախենում և դուրս են գալիս փողոց, և հիմնականում ցույցի են դուրս գալիս մտավորականները:

Մեզ մոտ փողոց վազում են միան քաղաքացիական ակտիվությունը ցույց տալու համար: Իսկ կարևոր պահին թե' մարդիկ, թե' ընդդիմությունը նահանջում են:

Ես ուղղակի նախանձում եմ ուկրաինացիներին: Պարզ է, որ ԵՄ-ն նրանց մեծ բարիք չի բերի, սակայն նրանք այլևս  չեն ցանկանում ճնշված ապրել, նրանց մեծ եղբայր պետք չէ: Ուկրաինացիները մեզ քաղաքացիական ակտիվության և անվախության մեծ դաս տվեցին»,- ասել է դերասանուհին: