Դդումի մուրաբայից սահուն անցում կրակմարիչների

Արթուր Բաղդասարյանի ղեկավարած ԱԽՔ-ը հոկտեմբերին գնել է կրակմարիչներ: Բնականաբար, այդ գնումն իրականացրել է ՀՀ պետական բյուջեի միջոցներով: Ուշագրավը, սակայն, ոչ թե ծախսված գումարի չափն է` 121 հազար ՀՀ դրամ, այլ` թե ումից է ձեռք բերել կրակմարիչները: «Ժողովուրդ»-ը պարզել է, որ դրանք գնվել են «Մարուս Դոխոլյան» անհատ ձեռնարկատիրոջից:

«ԱԽՔ Արթուր Բաղդասարյանի կուսակից ընկեր, էգ առյուծ Հեղինե Բիշարյանի քրոջ փեսան, որն ՕԵԿ ցուցակով հավակնում է դառնալ ԱԺ պատգամավոր, Լեւոն Դոխոլյանն է` «Քույրիկ Լեւոնը» հիշեցնում է «Ժողովուրդը» և հավելում, որ  Մարուս եւ Լեւոն Դոխոլյանների ազգանունների նույնությունն ամենեւին էլ չի կարող պատահական համընկնում լինել: Ինչից կարելի է ենթադրել, որ Ա. Բաղդասարյանը բավական ուշադիր է եւ հոգում է իր կուսակից ընկերների բիզնեսի ծաղկման մասին` ավա՜ղ, ՀՀ քաղաքացիներիս հաշվին: