Եթե 6-րդ գումարման Ազգային ժողովը շարունակեր աշխատանքը, ապա ավելի սահուն կընթանային ՀՀ-ԵՄ համաձայնագրի վավերացման աշխատանքները. Միրզոյան

Այս տարի գուցե շատ իրատեսական չէ Հայաստան-ԵՄ համաձայնագրի վավերացումը: Այս մասին լրագրողների հետ զրույցում ասաց ԱԺ նորընտիր նախագահ Արարատ Միրզոյանը:

«Գուցե շատ իրատեսական չէ այս տարի ԵՄ անդամ բոլոր երկրների կողմից վավերացումը, բայց նաև հնարավորություն կա շատ լավ աշխատելու և ջանքեր գործադրելու դեպքում անելու այնպես, որ նաև այս տարի լինի»,-հավելեց նա։

ԱԺ նախագահը չհերքեց, որ այս տարի համաձայնագիրը չվավերացնելը կարող է կապված լինել երկրում տեղի ունեցած իրադարձությունների հետ։ «Նաև` պայմանավորված նրանով, որ խորհրդարանը նոր է մտնում լիազորությունների մեջ, մարդիկ նոր են. եթե 6-րդ գումարման Ազգային ժողովը շարունակեր աշխատանքը, ապա ավելի սահուն կընթանային այդ աշխատանքները»,- ասաց նա։