Կարեն Կարապետյանը կրկին համբալ կանվանի քաղաքացուն

ԱԺ ՀՀԿ խմբակցության պատգամավոր Կարեն Կարապետյանը Սերժ Սարգսյանի աշխատակազմի ղեկավար լինելու ժամանակ «Նաիրիտ» գործարանի աշխատողներից մեկին` նախագահական նստավայրի առջեւ բողոքի ակցիայի ժամանակ, համբալ էր անվանել:

Այսօր խորհրդարանում լրագրողների հետ հանդիպման ժանանակ Կարեն Կարապետյանը հայտարարեց, որ նրան կրկին համբալ կանվանի: «Դուք նախապատմությունը գիտե՞ք, իրենք ի՞նչ էին ասում: Եթե նորից ըլնի, նույնը կասեի»,- ասաց նա:

Լրագրողների դիտարկմանը` Սերժ Սարգսյանն ասում է, որ ՀՀ քաղաքացու հետ պետք է «դուք»-ով խոսել, Կարեն Կարապետյանը պատասխանեց. «Ես «դուք»-ով եմ խոսել»:

«Դուք»-ո՞վ եք համբալ ասել»,- հետաքրքրվեցին լրագրողները: «Ահա»,- հնչեց պատասխան: