Վագների օպերայի նոր բեմադրությունը լուրջ սկանդալի պատճառ է դարձել

Ռիխարդ Վագների «Տանհեյզեր» օպերայի նոր բեմադրությունը լուրջ սկանդալի պատճառ է դարձել Դյուսելդորֆում: Ներկայացման գործողությունները տեղափոխվել են Երկրորդ համաշխարհային պատերազմի տարիներ, եւ հանդիսատեսին շոկի մեջ են գցել ֆաշիստների դաժանությունների տեսարանները, այդ թվում` զանգվածային սպանությունները համակենտրոնացման ճամբարների գազախցերում: Բրիտանական The Guardian թերթը գրում է, որ առավել զգայունները անգամ հայտնվել են հիվանդանոցում:

Դյուսելդորֆի հրեական համայնքը ներկայացումն անճաշակ է համարել: Իսկ թատրոնի ադմինիստրացիան որոշել է հանել օպերան խաղացանկից:

Ի դեպ, Վագները եղել է Ադոլֆ  Հիտլերի սիրելի կոմպոզիտորը: