Ձեզ խաբեությամբ ներքաշել են Պրիգոժինի արկածախնդրության մեջ. ՌԴ ՊՆ-ն` «Վագների» մարտիկներին

Պաշտպանական գերատեսչությունը կոչ է արել մարտիկներին խոհեմություն ցուցաբերել և կապ հաստատել Ռուսաստանի ՊՆ-ի կամ իրավապահ մարմինների ներկայացուցիչների հետ:

Ռուսաստանի Դաշնության պաշտպանության նախարարությունը դիմել է «Վագներ» մասնավոր ռազմական կազմակերպությանը (ՄՌԿ)` ասելով, որ նրանք խաբեությամբ ներքաշվել են Եվգենի Պրիգոժինի հանցավոր արկածախնդրության մեջ։ Գերատեսչությունն առաջարկում է խոհեմություն ցուցաբերել և կապի մեջ մտնել Ռուսաստանի Դաշնության պաշտպանության նախարարության կամ իրավապահ մարմինների ներկայացուցիչների հետ` երաշխավորելով բոլորի անվտանգությունը: Այս մասին հայտնուիմ է ՌԻԱ Նովոստին։

«Դիմում ենք «Վագներ» ՄՌԿ–ի գրոհային ջոկատների մարտիկներին։ Ձեզ խաբելով ներքաշել են Պրիգոժինիի հանցավոր արկածախնդրության և զինված ապստամբությանը մասնակցելու մեջ։ Մի քանի ջոկատներից ձեր բազմաթիվ ընկերներ արդեն գիտակցել են իրենց սխալը` դիմելով օգնության և խնդրելով ապահովել մշտական տեղակայման կետեր անվտանգ վերադառնալու հնարավորությունը։ Մեր կողմից նման օգնություն արդեն ցուցաբերվել է բոլոր դիմած մարտիկներին և հրամանատարներին», – ասել են գերատեսչությունում։

Նախարարությունը մարտիկներին հորդորել է խելամտություն ցուցաբերել և արագ կապի դուրս գալ ՌԴ ՊՆ ներկայացուցիչների կամ իրավապահ մարմինների հետ։

«Մենք երաշխավորում ենք բոլորի անվտանգությունը», – հավելել են գերատեսչությունում։

ՊՆ–ում հայտարարել են նաև, որ կիևյան ռեժիմը, օգտվելով «Վագներ» խմբի հիմնադիր Եվգենի Պրիգոժինի սադրանքից, հարձակման համար բրիգադներ է կենտրոնացնում Բախմուտի ուղղությամբ։

«Օգտվելով Պրիգոժինի սադրանքից, որն ապակայունացնում է իրավիճակը, կիևյան ռեժիմը Բախմուտի մարտավարական ուղղությամբ հարձակողական գործողությունների համար կենտրոնացնում է Ուկրաինայի ԶՈւ–ի ծովային հետևակի35-րդ և 36-րդ բրիգադների ստորաբաժանումները», – ասել են գերատեսչությունում։

Նշվում է, որ այնտեղ զորքերի հարավային խմբավորումների զինծառայողները հակառակորդին հետ են մղում օդային և հրետանային հարվածներով։