Հերթական բեմադրությունը

Թեեւ Հայ ազգային կոնգրեսի առաջնորդ Լեւոն Տեր-Պետրոսյանը «ժողովրդի կարծիքը հաշվի առնելու» նպատակով հանրահավաքի մասնակիցներին հարցրեց՝ շուրջօրյա հանրահավաքնե՞ր են ուզում, թե՞ նստացույց, իսկ դրանից հետո էլ հարթակ հրավիրեց Կոնգրեսի եւ քաղաքական խորհրդի անդամներին` իբր խորհրդակցելու, սակայն, ըստ էության, այդ որոշումը վաղուց էր ընդունվել: Տեղի ունեցածն էլ պարզապես հերթական բեմադրված շոուն էր:

Հետաքրքիր է` Կոնգրեսի անդամներն ինչպես կմեկնաբանեն այն հանգամանքը, որ «ժողովրդի հետ համաձայնեցված» այս որոշումը կայացվելուց ընդամենը րոպեներ անց Ազատության հրապարակում հայտնվեցին առաջին վրանները: Մի՞թե հանրահավաքի մասնակիցները հետները վրաններ էին բերել: