Անվտանգության հարցերով ֆրանսիացի փորձագետներ կգործուղվեն Հայաստան

Այսօր ՀՀ ԱԻ նախարարության աշխատակազմի ղեկավար Հ. Հակոբյանն ընդունել է Վրաստանում Ֆրանսիայի Հանրապետության դեսպանատան անվտանգության հարցերով կցորդ Ստեֆան Ռոպերսին:

Հանդիպման ընթացքում Ս. Ռոպերսը հայտնեց, որ այս տարվա հունիսին Հայաստանում Ֆրանսիայի դեսպանատանը տեղի է ունենալու անվտանգության հարցերին նվիրված նիստ: Նա առաջարկեց, համագործակցության շրջանակներում, ՀՀ ԱԻՆ երեք ներկայացուցիչների այցելել Ֆրանսիա, իսկ ֆրանսիացի փորձագետներին գործուղել Հայաստան` իրենց փորձն ուսումնասիրելու համար:

Քննարկվեցին նաև ՀՀ քաղաքացիների անվտանգության ապահովման աշխատանքներին ԱԻ նախարարության ներգրավվածությունը։