ՄԱԿ-ը անկախ փորձագետներ է ուղարկում Սիրիա

ՄԱԿ-ի գլխավոր քարտուղար Պան Գի Մունը որոշում է կայացրել անկախկ փորձագետների խումբ ուղարկել Սիրիա` քիմիական զենքի կիրառման մասին տեղեկությունների հետաքննության համար. տեղեկացնում է ИТАР-ТАСС-ը:

ՄԱԿ-ի գլխավոր քարտուղարն այսօր լրագրողներին տեղեկացրել է այդ մասին եւ հույս հայտնել, որ առաքելությունը Սիրիայում խոչընդոտների չի հանդիպի եւ կկարողանա տեղում հավաստիանալ, որ Սիրիայի քիմիական զենքի զինանոցն անձեռմխելի է:

Ըստ Պան Գի Մունի` ով է էլ կանգնած լինի ենթադրյալ քիմիական հարձակման հետեւում, նա պետք է պատասխանատվություն կրի:

Հիշեցնենք, որ Սիրիայի իշխանությունները դիմել են ՄԱԿ-ին խնդրանքով` ձեւավորել անկախ տեխնիկական հանձնաժողով, որը կհետաքննի ապստամբների կողմից Հալեպի նահանգում քիմիական զենքի կիրառելու դեպքերը: