Ստերջացնե՞լ, թե՞ պարզապես կալանավորել

Արդյո՞ք մանկապիղծներին հարկավոր է քիմիական եղանակով ստերջացնել, թե՞ ոչ. ահա այս հարցի շուրջ էլ այսօր «Կանանց ռեսուրսային կենտրոն» ՀԿ-ն կազմակերպել էր քննարկում:

Պատգամավոր Վիկտոր Դալլաքյանն արդեն իսկ ԱԺ է ներկայացրել այս նախագիծը:

«Նախագծով կարգավորվում է ստերջացման ենթակա անձանց շրջանակը, ինչպես նաև ստերջացման իրականացման կարգը»,- ասաց իրավաբան Դավիթ Թումասյանը:

Քիմիական եղանակով ստերջացումը կիրառվում է եվրոպական մի շարք երկրներում՝ Շվեդիայում, Կանադայում, Գերմանիայում, Չեխիայում...

Սեքսապաթոլոգ Ռուզաննա Ազատյանը ստերջացման մեթոդը չի ընդունում. «Ի վերջո, դա հիվանդություն է: Տղամարդուն ամլացնելով` հնարավոր է` նրա մեջ այդ ագրեսիան ավելի մեծանա, որն ավելի վատ հետեւանքներ կարող է ունենալ»:

Իսկ հոգեբան Մարինե Պետրոսյանի կարծիքով` լուրջ հետազոտություն չկա, որի հիման վրա հնարավոր կլիներ օրենքը տեղայնացնել, հարմարեցնել հայաստանյան հասարակությանը: