Երկրաշարժից հետո խուճապ չի եղել

Կիրակի օրը Արեւմտահայաստանի Վան քաղաքում տեղի ունեցած երկրաշարժից հետո խուճապ չի առաջացել. այսօր լրագրողներին հայտնեց Հայաստանի հոգեբանների ասոցիացիայի նախագահ Ռուբեն Աղուզումցյանը:

Նա նշեց, սակայն, որ ավելի զգալի էր մարդկանց վերարտադրված վախը` նախորդ տարիներից պահպանված: Երկրաշարժ ապրած մարդուն պետք է դիտարկել հոգեբանական երկու տեսանկյունից. «Դրական տեսանկյունը` հետագա երկրաշարժները գիտակցված կերպով դիմավորելն է, բացասականը` տարբեր վախերի վերափոխված հիշողությունը»:

Վախերից ձերբազատվելու համար, հոգեբանի խոսքով, կարեւորը դրա սկզբնաղբյուրը գտնելն է, քանի որ վախերը վերափոխվելու հատկություն ունեն: «Վախենալ պետք է ոչ թե երկրաշարժից, այլ դրա դեպքում ճիշտ վարվելակերպի անիրազեկությունից»,- շեշտեց հոգեբանը: