Արոնյանը պարտվեց Իվանչուկին

Բրազիլիայի Սան Պաուլո քաղաքում  ընթացող շախմատի «Մեծ սաղավարտի» եզրափակչի  չորրորդ տուրում հայ գրոսմայստեր Լևոն Արոնյանը սպիտակներով պարտվեց ուկրաինացի Վասիլի Իվանչուկին, ով այժմ  10 միավորով միանձնյա գլխավորում է մրցաշարային աղյուսակը:

Հիշեցնենք, որ Արոնյանը հաղթանակով էր մեկնարկել՝ առաջին իսկ տուրում առավելության հասնելով  Վալյեխանոյի նկատմամբ, սակայն մնացած բոլոր տուրերում միայն խաղաղ դաշն էր կնքում, որն էլ, ի վերջո, հանգեցրեց պարտության:

Աշխարհի չեմպիոն հնդկաստանցի Վիշվանաթան  Անանդը սևերով հաղթանակ տոնեց  իսպանացի Ֆրանսիսկո Վալյեխոյի նկատմամբ և 5 միավորով հավասարվեց Արոնյանին: Մագնուս Կարլսենն ու Հիկարու Նակամուրան խաղացին ոչ ոքի:

Այսպիսով` Արոնյանն առաջատարից 5 միավորով է հետ  մնում, ինչն էլ մեզ գործնականորեն զրկում է չեմպիոնական հույսերից: