Խե՜ղճ ոստիկաններ

«Ամբողջ օրը մարդկանց էս վիճակի մեջ պահում եմ` սա չի կարելի,  դա չի կարելի, էլ չգիտեմ` ի՞նչն է կարելի իրենց: Իրենք հըլը որ սենց ապրում են: Էս աշխատավարձով դժվար երկար ձգեն»,- ասաց ՀՀ ոստիկանապետ Ալիկ Սարգսյանը կառավարության նիստից հետո` անդրադառնալով ոստիկանների աշխատավարձերի խնդրին:

Ցածր աշխատավարձի պատճառով որոշ ոստիկանները ստիպված զուգահեռ այլ աշխատանքով էլ են զբաղվում, օրինակ` տաքսի են քշում: Ոստիկանապետը նշեց, որ նման դեպք եղել է, եւ ստիպված այդ մարդուն ազատել է ծառայությունից:

Հարցին, թե արդյո՞ք ցածր աշխատավարձի պատճառով կոռուպցիոն ռիսկերը չեն մեծանում, Ա. Սարգսյանը պատասխանեց. «Կարծեմ, թե չկարծեմ` ռիսկը շատ է»:

Նա հավելեց նաեւ, որ ոստիկաններ էլ կան, որոնք սնվում-ապրում են հենց այն կրպակների շնորհիվ, որոնք քաղաքապետարանը ցանկանում է ապամոնտաժել:

Իսկ թե արդյո՞ք ոստիկանների աշխատավարձերը կբարձրացվեն, դեռեւս հայտնի չէ, սակայն նախատեսվում է: