Լեդի Գագան նոր բոյֆրենդ ունի

Ամենաէքսցենտրիկ եւ սկանդալային երգչուհիներից մեկը` Լեդի Գագան, նոր սիրավեպ է սկսել: Գագայի ընտրյալը «Արնախումի օրագրերը» ամերիկյան հեռուստասերիալի աստղ, 30-ամյա դերասան Թեյլոր Քինին է:

Հենց նա է նկարահանվել Լեդի Գագայի «You and I» երգի տեսահոլովակում, որը նվիրված է եղել Լեդի Գագայի նախկին ընկերոջը:

Երգչուհու եւ դերասանի միջեւ համակրանքը ծնվել է նկարահանումների ժամանակ, եւ այժմ նրանց հաճախ կարելի է տեսնել միասին զբոսնելիս, զվարճանալիս ու համբուրվելիս:

Սիրահարված զույգին վերջերս տեսել են Կալիֆոռնիայի լողափերից մեկի բարում: «Սկզբում ոչ ոք չճանաչեց հայտնի երգչուհուն: Նրանք սիրահարված հասարակ զույգի տեսք ունեին: Իսկ երբ հայտնի դարձավ, որ բարում Գագան է, երգչուհին չզայրացավ, չփորձեց թաքնվել կամ հեռանալ: Հակառակը` ստորագրություններ բաժանեց»,- պատմել է ականատեսներից մեկը: