"Մանկական սենյակ"` ամուսինների համար

Ավստրալիայում` շվեդական IKEA ընկերության առեւտրային կենտրոններում, բացվել է հատուկ սենյակ տղամարդկանց հանգստի համար, որոնք այնտեղ կարող են ժամանակ անցկացնել, քանի դեռ իրենց կանայք գնումներ են կատարում խանութից:

Եթե քառօրյա փորձարկումից հետո պարզ դառնա, որ սենյակի գոյությունն արդյունավետ է, հանգստի նման սենյակներ կբացվեն նաեւ այլ խանութներում. տեղեկացնում է mignews.com-ը:

Սենյակը կոչվում է Manland, մանկական խաղային սենյակների` Smalland-ների նմանությամբ: Տղամարդկանց առաջարկվում են սպորտային խաղեր, զվարճալի հաղորդումներ, սեղանի հոկեյ կամ պինբոլ, թարմ մամուլ: Բացի այդ` Manland-ի յուրաքանչյուր այցելու անվճար հոթ-դոգ է ստանում:

Ինչպես մանկական սենյակների դեպքում, կանայք, որոնց ամուսինները Manland-ում են, ստանում են հատուկ սարքավորումներ, որոնք ամեն կես ժամը մեկ հիշեցնում են «անտեր թողնված» ամուսինների մասին: