ՀԱՅԿԱԿԱՆ ԺԱՄԱՆԱԿ. Շառից, փորձանքից, բիզնեսից հեռու

Երեկ լուրեր տարածվեցին, որ ՀՀ պաշտպանության նախկին նախարար, ներկայումս ՀՀ գլխավոր ռազմական տեսուչ Միքայել Հարությունյանը որոշել է հեռանալ Հայաստանից: Ըստ այդ լուրերի` Միքայել Հարությունյանը մտադիր է ընտանիքը տեղափոխել Չեխիա, որտեղ նրա ընտանիքը սկսել է ինչ-որ ներդրումներ կատարել:

Միքայել Հարությունյանը երեկ մեզ հետ զրույցում հերքեց Հայաստանից հեռանալու եւ արտերկրում բնակություն հաստատելու մասին լուրերը` ասելով, թե ինքը ոչ մի տեղ էլ չի պատրաստվում գնալ:

«Ես ապրում եւ ծառայում եմ Հայաստանում եւ ոչ մի տեղ էլ չեմ պատրաստվում հեռանալ»,-ասաց Հարությունյանը:

Նա նաեւ հերքեց իր եւ իր ընտանիքի անդամների անուններով արտերկրում ներդրումներ կատարելու մասին լուրերը:

«Ես Հայաստանում անգամ բիզնես չունեմ, էլ ուր մնաց, թե արտասահմանում բիզնես ունենամ»,- ասաց գլխավոր ռազմական տեսուչը: