Վարորդը տեղում մահացել է

Ապրիլի 28-ին՝ ժամը 12.34-ին, Երևանի Սիլիկյան թաղամասի գերեզմանատան հարակից տարածքում տեղի է ունեցել ավտովթար:

Դեպքի վայր են մեկնել փրկարական ուժերի վարչության հատուկ փրկարական ջոկատի հերթապահ խումբը եւ ճգնաժամային կառավարման կենտրոնի օպերատիվ խումբը. տեղեկացնում է «Արտակարգ ալիքը»:

Դեռևս չպարզված հանգամանքներում «Միցուբիշի Մոնտերո» մակնիշի 15 ՕՏ 994 պետհամարանիշով ավտոմեքենան դուրս է եկել երթևեկելի մասից և շրջվել, որի հետևանքով վարորդը `1985թ. ծնված Գոհար Յարազյանը, տեղում զոհվել է, իսկ ուղևորը` 1992թ. ծնված Սարգիս Հովհաննիսյանը, ստացել է առաջին բուժօգնություն և հրաժարվել հոսպիտալացումից: