Amazon-ը Google-ի առաջին գովազդատուն է

Ամերիկյան Amazon օնլայն խանութը Google-ի թիվ մեկ գովազդատուն է: MediaPost ընկերությունը հրապարակել է Google-ի 2010 թվականի 4-րդ եռամսյակի գովազդատուների վարկանիշը:

Ինչպես հաղորդում է Businessinsider կայքը, Amazon-ը գովազդի համար 51 միլիոն դոլար է ծախսել, հետեւաբար օնլայն խանութի տարեկան բյուջեն կազմում է 200 միլիոն դոլար:

Amazon-ին հետեւում է ամերիկյան AT&T բջջային օպերատորը` 27 միլիոն դոլարով, իսկ երրորդ տեղում է նույնպես ամերիկյան Capital One-ը` 26 միլիոն դոլարով:

2010 թվականի Google-ի գովազդատուների վարկանիշային ցուցակում ընդգրկված է տարբեր ոլորտները ներկայացնող 10 ընկերություն, որոնց գերակշիռ մասն ամերիկյան է: Դրանց գովազդային ընդհանուր բյուջեն գերազանցել է 400 միլիոն դոլարը: