ՀԱՅԿԱԿԱՆ ԺԱՄԱՆԱԿ. Կոպեկներ են շպրտում

Արդեն բոլորի համար ակնհայտ է, որ գործող իշխանությունները զբաղված են բացառապես շոուներ բեմադրելով:

Երեկվա շոուի սցենարը վերաբերում էր սոցիալապես անապահով ընտանիքների համար գազի գնի մասնակի սուբսիդավորմանը:

Կառավարությունն իր արտագնա նիստում որոշեց այդ ընտանիքներին մասամբ սուբսիդավորել գազի գինը: Մեկ տարվա ընթացքում յուրաքանչուր անապահով ընտանիք մեկ խմ գազի դիմաց կվճարի ոչ թե 132, այլ 100 դրամ: Բայց լիմիտը 300 խորանարդ մետրն է: Այսինքն` եթե ընտանիքը դրանից ավելին կգտագործի մեկ տարվա ընթացքում, ապա ավել օգտագործածի դիմաց կվճարի 132 դրամ 1 խմ-ի դիմաց:

Արդյունքում ստացվում է, որ յուրաքանչյուր ընտանիք կստանա տարեկան 9600 դրամի զեղչ: Այսինքն` անապահով ընտանիքները ամսական 800 դրամի անվճար գազ կստանան: Հասկանո՞ւմ եք` 800 դրամի:

Եվ այս որոշումը ՀՀ վարչապետ Տիգրան Սարգսյանը նիստի ժամանակ որակեց որպես «սոցիալական լորջ միջոցառում»: