Մեկ ամիս ժամանակ է տվել

Երեկ Արցախի նախագահ Բակո Սահակյանը հրավիրել է աշխատանքային խորհրդակցություն` բնակարանային ծրագրերի համակարգման պետական հանձնաժողովի անդամների մասնակցությամբ:

Խորհրդակցության ընթացքում քննարկվել են զոհված ազատամարտիկների ընտանիքներին բնակարաններով ապահովելու գործընթացի հետ կապված հարցեր. հայտնում են նախագահի աշխատակազմի տեղեկատվության գլխավոր վարչությունից:

Բակո Սահակյանն ընդգծել է, որ անհրաժեշտ է մեկամսյա ժամկետում ճշգրտել ցուցակները եւ դրան համապատասխան իրականացնել համալիր միջոցառումներ, կապված կարիքավորներին բնակարաններով ապահովելու գործընթացի հետ, նաեւ ավարտին հասցնել պետական այս ծրագիրը:

Անդրադարձ է կատարվել նաեւ Արցախյան պատերազմի առաջին կարգի հաշմանդամներին ու փախստականներին բնակարաններով ապահովելու ծրագրի մշակման եւ իրականացման հետ կապված հարցերին: