Ընդդիմադիրների դեմ ակցիա` Իրանում

Իրանի իշխանությունները  ծրագրում են ընդդիմադիրների դեմ  բողոքի ակցիա կազմակերպել Թեհրանում: Agence France-Presse-ը հաղորդմամբ` նախատեսվում է, որ ակցիան տեղի է ունենալու փետրվարի 18-ին:

Ինչպես Իրանի ղեկավարությունն է հաղորդում, հակաընդդիմադիր հանրահավաքի մասնակցիները կարող են ազատորեն արտահայտել «իրենց ատելությունը» ընդդիմության ղեկավարների, նրանց ապօրինի գործողությունների եւ կեղծ խոստումների նկատմամբ:  

Հանրահավաքը սկսվելու է ուրբաթ օրվա կեսօրյա աղոթքից հետո Թեհրանի կենտրոնական հրապարակներից մեկում:

Ավելի վաղ հենց այդ նույն օրը հայտարարվել էր ընդդիմության կողմից անցկացվելիք միջոցառումների մասին: Շաբաթվա սկզբում տեղի էին ունեցել հակաիշխանական ակցիաներ, որոնց ժամանակ բախումներ էին եղել ակտիվիստների եւ ոստիկանների միջեւ: Մեկ հոգի զոհվել էր, մի քանի տասնյակ մարդ վիրավորվել էր, 200-ից ավելին ձերբակալվել էին:

Իրանում այս ակցիաները սկսվել են այն բանի հետո, երբ փետրվարի 11-ին Եգիպտոսի նախագահ Հոսնի Մուբարաքը հրաժարական տվեց: