Շերեմետեվոյում քաոս է

«Շերեմետեվո»-ի ուղեւորները փորձում են ելք գտնել` անելանելի վիճակից դուրս գալու համար: Նրանք քնում են օդանավակայանում, փորձում ինֆորմացիա կորզել օդնավակայանի աշխատակիցներից, կրկնակի գին են վճարում սննդի համար, քայքայում են իրենց նյարդերը:

Ինչպես գրում  է«Ինտեռֆաքսը», ոչ միայն «Դոմոդեդովոյում», այլ «Շերեմետեվոյում» նույնպես իրավիճակը սարսափելի է: Մարդիկ իրավիճակի գերիներն են դարձել եւ հույսները կարող են դնել միայն իրենց վրա:

Օդանավակայանի աշխատակիցները չեն կարողանում բավարար ինֆորամացիա տալ չվերթների վերաբերյալ: Մարդիկ հոգնած են ու վրդովված:

Հայտարարվել է, թե քանի որ «Աերոֆլոտը» տեխնիկական խնդիրներ ունի, մեկնելու նախապատվությունը տրվելու է այն ուղեւորներին, որոնց թռիչքը նախատեսված է եղել դեկտեմբերի 26-ին եւ 27-ին: