Երթ` ընդդեմ հանրագիտարանային կեղծիքի

Քիչ առաջ Հայաստանում Բրիտանիայի դեսպանատան առջեւ ավարտվեց ընդդեմ բրիտանական Macmillan children’s books հրատարակչության կողմից հրատարակված եւ ռուսական Маxаон հրատարակչության կողմից վերահրատարակված հանրագիտարանի:

Երթի մասնակիցները Շահումյան հրապարակից շարժվեցին Ռուսաստանի դեսպանատուն եւ նամակ փոխանցեցին դեսպանին, ապա շարժվեցին դեպի Բրիտանիայի դեսպանատուն: «Ընդդեմ հանրագիտարանային կեղծիքի» նախաձեռնության համակարգող, «Անկախ» թերթի լրագրող Անի Գասպարյանը պատմեց, թե ինչպես է մի օր հայկական գրախանութներում «բացահայտել» հանրագիտարանի ռուսերեն տարբերակը, որտեղ Հայաստանի մասին խեղաթյուրված փաստեր են ներկայացվում:

Օրինակ`Հայաստանում հիմնական լեզուներն ըստ հանրագիտարանի` հայերենն ու ադրբեջաներենն են, իսկ որպես հիմնական կրոն քրիստոնեությունից բացի նշվում է նաեւ իսլամը: «Ընդդեմ հանրագիտարանային կեղծիքի» նախաձեռնող խմբի նպատակն է հասնել այդ ապատեղեկատվության հերքմանը:

Նախաձեռնող խմբի կազմում են «Անկախ» շաբաթաթերթը, ՀՀԿ երիտասարդական կազմակերպությունը, ՀՅԴ «Նիկոլ Աղբալյան» ուսանողական միությունը, ԲՀԿ երիտասարդության հարցերի հանձնաժողովը, «Ժառանգություն» կուսակցության «Հայք» ուսանողական միությունը եւ մի շարք այլ կազմակերպություններ: