Թշնամու մամուլը ցնծում է. «Փաշինյանը լսել է ադրբեջանական մուղամ և ծանոթացել է «Ղարաբաղի տան» ցուցադրությանը»

Ադրբեջանական մամուլն անթաքույց հրճվանքով ներկայացնում է, թե ինչպես է Փաշինյանը լսել ադրբեջանական մուղամ և ծանոթացել այսպես կոչված «Ղարաբաղի տան» ցուցադրությանը։

«minval.az»-ը գրում է, որ Հայաստանի վարչապետ Նիկոլ Փաշինյանը երեկ՝ հոկտեմբերի 8-ին, այցելել է Թուրքմենբաշիում անցկացվող ԱՊՀ երկրների ազգային ուտեստների և մշակույթի փառատոնին, որտեղ հնարավորություն է ունեցել ավելի մոտիկից ծանոթանալու ադրբեջանական ավանդույթներին։

«Ադրբեջանի տաղավարում հնչել է մուղամ։ Այստեղ ներկայացվել է նաև XIX դարի «Ղարաբաղի տան» ինտերիերը, որը վերակառուցվել է Ադրբեջանի ազգային գորգի թանգարանի ցուցադրության հիման վրա։

Հյուրերին ցուցադրվել են նաև ադրբեջանական գորգեր, քյալաղայիներ, պղնձից, փայտից և կերամիկայից պատրաստված իրեր, ինչպես նաև ազգային խոհանոցի բազմազանությունն ու թեյախմության ավանդույթները»,-գրել է թշնամի երկրի լրատվամիջոցը։