Ուժեղ պետություն կառուցվում է կրթված, ազատ մտածող և արժանապատիվ քաղաքացիներով. Մեսրոպ Մանուկյան

«Հայաստան» խմբակցության պատգամավոր Մեսրոպ Մանուկյանը ֆեյսբուքյան էջում գրել է․ «Սեպտեմբերի 1-ը պարզապես ուսումնական տարվա սկիզբ չէ․ այն գիտելիքի, կրթության և մեր երկրի ապագայի հանդեպ հավատը վերահաստատելու օրն է։

Շնորհավորում եմ մեր աշակերտներին, ուսանողներին, ուսուցիչներին և դասախոսներին՝ Գիտելիքի և դպրության օրվա առթիվ:

Ուժեղ պետություն կառուցվում է կրթված, ազատ մտածող և արժանապատիվ քաղաքացիներով։ Եվ որքան էլ իշխանությունները խոսեն բարեփոխումների ու զարգացման մասին, պետության իրական վերաբերմունքն ապագայի նկատմամբ երևում է դպրոցում, ուսուցչի հանդեպ վերաբերմունքում և կրթության որակի մեջ:

Մեր երեխաներն արժանի են ապրելու մի Հայաստանում, որտեղ հաջողության ճանապարհը որոշվում է ոչ թե կապերով ու հովանավորչությամբ, այլ գիտելիքով, աշխատանքով և կարողություններով։

Շնորհավոր Սեպտեմբերի 1

Արժանապատիվ Խաղաղություն մեր երկրին, իսկ մեր երեխաներին՝ գիտելիքով ու հաղթանակներով լի ճանապարհ»։