Իրանի և Ֆրանսիայի արտգործնախարարները հեռախոսազրույց են ունեցել

Իրանի և Ֆրանսիայի արտգործնախարարները հեռախոսազրույց են ունեցել: Հեռախոսազրույցի ընթացքում Ֆրանսիայի արտգործնախարար Ժան-Նոել Բարոն և Իրանի արտգործնախարար Աբբաս Արաղչին մտքեր են փոխանակել տարածաշրջանային զարգացումների, ինչպես նաև Իրանի դեմ ԱՄՆ-ի և Իսրայելի ռազմական ագրեսիայի անվտանգության և տնտեսական հետևանքների վերաբերյալ։ Հեռախոսազրույցի մասին հայտնել են Իրանի ԱԳՆ մամուլի ծառայությունից։

«Իրանի արտգործնախարարը կտրուկ քննադատել է որոշ եվրոպական երկրների դիրքորոշումը, որոնք միայն մտահոգություն են հայտնում այդ պարտադրված պատերազմի տնտեսական հետևանքների վերաբերյալ և լռում են Իրանի ժողովրդի վրա ագրեսորների դաժան հարձակումների մասին։

Նա ընդգծել է, որ տարածաշրջանում Իրանի պաշտպանական գործողությունների պատճառը տարածաշրջանի երկրներում տարածքների, բազաների և օբյեկտների ԱՄՆ կողմից օգտագործումն է Իրանի դեմ անօրինական պատերազմ մղելու համար։

Արաղչին հավելել է, որ Հորմուզի նեղուցը փակ է Իրանի դեմ ռազմական ագրեսիային մասնակցող կողմերի նավերի համար, և այդ որոշումն ընդունվել է միջազգային իրավունքի սկզբունքների հիման վրա և նեղուցի չարաշահումը Իրանի վրա ագրեսորների անօրինական հարձակումների իրականացնելը կանխելու համար։ Միևնույն ժամանակ, այլ երկրներին պատկանող նավերի անցումն իրականացվում է Իրանի իրավասու մարմինների հետ համաձայնեցված։

Իրանի արտգործնախարարն ընդգծել է նաև, որ ագրեսորների և նրանց կողմնակիցների, դրանց թվում՝ ՄԱԿ-ի Անվտանգության խորհրդում, Հորմուզի նեղուցում ստեղծված իրավիճակի վերաբերյալ ցանկացած սադրիչ գործողություն միայն կբարդացնի իրավիճակը։

Ֆրանսիայի արտգործնախարարն ընդգծել է իր երկրի դիրքորոշումը Իրանին պարտադրված պատերազմի և քաղաքացիական թիրախների վրա հարձակումների դեմ։

Նա մտահոգություն է հայտնել նաև տարածաշրջանում, ներառյալ՝ Լիբանանում, իրավիճակի սրման վերաբերյալ և ընդգծել քաղաքական և դիվանագիտական ​​ջանքերը ակտիվացնելու անհրաժեշտությունը՝ պատերազմը վերջ դնող և տարածաշրջանում կայունությունն ու անվտանգությունը վերականգնելու լուծում գտնելու համար։

Իրանի և Ֆրանսիայի արտգործնախարարները միաժամանակ մտքեր են փոխանակել որոշ հյուպատոսական հարցերի շուրջ և ընդգծել երկու երկրների միջև տարբեր մակարդակներում դիվանագիտական ​​փոխգործակցությունը շարունակելու անհրաժեշտությունը։