Չինաստանը շահագործման է հանձնել աշխարհի ամենաբարձր ամբարտակով պոմպային կուտակիչ հիդրոէլեկտրակայանը

Արևելյան Չինաստանի ամենազարգացած շրջաններից մեկում՝ Ցզյանսու նահանգում, հոկտեմբերի 29-ին ինժեներները շահագործման են հանձնել աշխարհի ամենաբարձր ամբարտակով պոմպային կուտակիչ հիդրոէլեկտրակայանը, գրում է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրեն Լևոն Ազիզյանը։

Նոր կայանը գտնվում է Ցզյուժոնգ քաղաքում հաստատված հզորությունը 1.35 միլիոն կիլովատտ է, իսկ լրիվ հզորությամբ դեպքում տարեկան էլեկտրաէներգիայի արտադրությունը հասնում է 1.35 միլիարդ կիլովատտ-ժամի։

Վերին ջրամբարի պատվարը, որը կարող է տեղավորել մինչև 17.07 միլիոն խորանարդ մետր ջուր, բարձրանում է 182.3 մետր ինչը համարժեք է 60 հարկանի շենքի բարձրությանը։ Սա այն դարձնում է աշխարհի ամենաբարձր պոմպային կուտակիչ հիդրոէլեկտրակայանի ամբարտակը։