Ագրարային համալսարանը դատի է տվել ավելի քան 430 նախկին ուսանողների. մի մասից վերցնում է, մյուսներին՝ տալիս

Yerkir.am-ը տեղեկացրել էր, որ Հայսատանի ազգային ագրարային համալսարանը` ի դեմս նախկին ռեկտոր Վարդան Ուռուտյանի, ռեկտորի պարտականությունները կատարող Հրաչյա Զաքոյանի և իրավաբանական բաժնի պետ Մանվել Վարդանյանի, հայցադիմումներ է ներկայացնում դատարաններ նախկին ուսանողներից ուսման վարձավճարները բռնագանձելու պահանջով: Համալսարանը դատի է տվել ավելի քան նախկին 430 ուսանողի: Հայցադիմումների մի մասը բավարարվում, մյուս մասն էլ անհմին լինելու պատճառով ոչ միայն մերժվում են, այլ հօգուտ ուսանողների ագրարայինի համալսարանից բռնագանձվում են որպես փաստաբանական ծառայությունների վճարներ:

Այսպես, օրինակ, Datalex համակարգից տեղեկանում ենք, որ համալսարանն ուսանողից պահանջել է 380 000 դրամ, իսկ դատարանը մերժել է հայցը և վճռել հոգուտ ուսանողի համալսարանից բռնագանձել 200 000 ՀՀ դրամ՝ որպես փաստաբանի խելամիտ վարձատրության գումար:

Փաստորեն, ագրարային համալսարանի ղեկավարությունը գտել է հետաքրքիր զբաղմունք. նախկին ուսանողների մի մասից բռնագանձած գումարները փոխանցել ուսանողների մյուս մասի փաստաբաններին: