Խայտառակ վիճակ է, ագրարային համալսարանը քանի՞ մասնագետ է տվել, ո՞նց է զարգանալու գյուղատնտեսությունը․ Գառնիկ Դանիելյանը՝ Ժաննա Անդրեասյանին

ԱԺ «Հայաստան» խմբակցության պատգամավոր Գառնիկ Դանիելյանը ԿԳՄՍ նախարար Ժաննա Անդրեասյանի ելույթից հետո բարձրաձայնեց մի շարք հիմնահարցեր՝ հատկապես գյուղատնտեսական կրթության և դպրոցների վիճակի շուրջ։

Պատգամավորի խոսքով՝ Ագրարային համալսարանը բավարար թվով մասնագետներ չի տալիս, մասնավորապես՝ գյուղերում սուր պակաս կա անասնաբույժների և այլ մասնագետների։

«Գյուղացին մնում է առանց մասնագետի, դիմող չկա, հետաքրքրություն չկա։ Պետք է հստակ թվերով ասեք՝ քանի՞ մասնագետ է տվել Ագրարային համալսարանը, այս պայմաններում ո՞նց պետք է զարգանա գյուղատնտեսությունը»,- նշեց Դանիելյանը։

Նա նաև անդրադարձավ դպրոցների խնդիրներին՝ ընդգծելով, որ դպրոցաշինական ծրագրից դուրս մնացած բազմաթիվ դպրոցներում կան հրատապ լուծում պահանջող խնդիրներ, սակայն նախարարությունը չի արձագանքում։

Մանրամասն՝ տեսանյութում։