Բա սրիկայություն չի՞ ծանր պայմաններում հայտնված մարդկանց ասել՝ «պետք է մնայիք կռվեիք»․ Լևոն Քոչարյան

«Ամեն անգամ, երբ մտածում ենք, որ անբարոյականությունը պետք է ինչ-որ չափ ունենա, այս մարդիկ ապացուցում են, որ այդ չափն էլ ավելի կարող է իջնել։ Ամեն ինչի պատճառն իրենք են, սկսած 2018 թվականից, «զրոյական կետ»-ից, «ինչ ուզում՝ բանակցում ենք»-ից»,- ԱԺ-ում ասաց Աժ «Հայաստան» խմբակցության պատգամավոր Լևոն Քոչարյանը՝ արձագանքելով Ալեն Սիմոնյանի երեկվա խոսքերին։

 «Նման ծանր վիճակում հայտնված, տանջված մարդկանց ասել՝ մնայիք, կռվեիք, բարոյական չէ»,- նշեց Քոչարյանը։ Հարցին, թե դուք ի՞նչ կարգավիճակով եք տեսնում արցախահայերի վերադարձը, Լևոն Քոչարյանը պատասխանեց․ «Արցախցիների անվտանգ վերադարձը Արցախ պետք է լինի մեր արտաքին քաղաքականության օրակարգում։ Սակայն իշխանությունները դրա մասին չեն խոսում, անգամ խաղաղության պայմանագիր կոչվածի մեջ արցախցիների իրավունքի արդարացի պահանջների մասին ոչ մի խոսք չկա»։