Թուրք-ադրբեջանական ռազմական նոր պայմանավորվածությունը՝ Փաշինյանի խաղաղասիրության ֆոնին

Անկարայում նախօրեին հանդիպել են Ադրբեջանի և Թուրքիայի ցամաքային զորքերի հրամանատարները։ Ինչպես հաղորդում է ԱՊԱ-ն, այս մասին հայտնում է Թուրքիայի ազգային պաշտպանության նախարարությունը։

Եվ մինչ պաշտոնական Երևանը ձեռքը պարզած խաղաղություն է մուրում, քարոզչական լծակներով  Ադրբեջանից խաղաղարարի կերպար կերտում, Ադրբեջանի պաշտպանության փոխնախարար Հիքմաթ Միրզաևը Թուրքիայի ցամաքային զորքերի հրամանատար Սելջուկ Բայրաքթարօղլուի հետ երկու երկրների միջև ռազմական համագործակցությանը վերաբերող հարցեր է  քննարկում, ինչպես նաև  «տարածաշրջանային անվտանգության գործում թուրք-ադրբեջանական ներդրնան»  շուրջ պայմանավորվածություն ձեռքբերում։  

Նշենք, որ ավելի վաղ հաղորդվել էր Հայաստանին սահմանակից Կարսում թուրք-ադրբեջանական զորավարժությունների մասին, որի ընթացքում զինծառայողները կկատարեն տարբեր մարտական պատրաստության առաջադրանքներ բնակեցված վայրերում, ձնառատ և ցրտաշունչ եղանակային պայմաններում դժվարանցանելի տեղանքում։