Թրամփի խորհրդականները պատրաստում են Իրանի վերաբերյալ որոշումներ

«Միանգամից նշենք՝ Ուոլցը խեղաթյուրում է փաստերը՝ նշելով, որ ՀԱՄԱՍ-ը Իսրայելի հետ հրադադարի եւ պատանդների փոխանակման մասին համաձայնագրի ստորագրումից առաջ հույս է դրել «Հըզբոլլահի» եւ նրա հետեւում կանգնած Իրանի աջակցության վրա», - նշել է Տարասովը:

ՀԱՄԱՍ-ի քաղբյուրոյի անդամ Մոհամեդ Նազզալը խոսում է համաձայնության հասնելու հարցում Թուրքիայի լուրջ ազդեցության մասին: Նրա խոսքով՝ «թուրքերը, այլ ոչ թե Իրանը, բանակցությունների մշտական եւ վճռական հետեւորդներ էին, նույնիսկ այն ժամանակ, երբ նրանք բանակցությունների սեղանի շուրջ չէին», - նշեւմ է փորձագետը:

«Երկրորդ՝ Ուոլցի հայտարարությունը, որը փաստացի կրկնօրինակում է այն, ինչի կոչ էր անում դեռեւս անցյալ տարվա դեկտեմբերի կեսերին Բայդենի անվտանգության հարցերով օգնական Ջեք Սալիվանը՝ «Սիրիայից հետո հարված հասցնել Իրանի ռազմական օբյեկտներին», ներկայիս պայմաններում սադրիչ, զոնդավորող բնույթ է կրում։ Ըստ երեւույթին, Վաշինգտոնը փորձում է հստակեցնել իրավիճակը երկու ուղղություններով։ Առաջինը՝ Ռուսաստանի արձագանքը Իրանի անվտանգության հարցերին ռազմավարական գործընկերության մասին պայմանագրի ստորագրումից հետո։ Նույնիսկ, չնայած այն հանգամանքին, որ հրապարակավ հայտարարվեց, որ այս պայմանագիրը տարբերվում է Ռուսաստանի եւ Հյուսիսային Կորեայի միջեւ անվտանգության մասին համաձայնագրից, եւ որ Իրանի հետ համաձայնագիրը չի պարտավորեցնում երկու երկրներից մեկին պաշտպանել մյուսին հարձակման դեպքում, այլ սահմանափակվում է միայն ռազմական օգնություն կամ որեւէ այլ աջակցություն ցուցաբերելուց հրաժարվելով հարձակվողին», - նշում է Տարասովը:

Երկրորդ ուղղությունը. Ամերիկյան Wall Street Journal պարբերականի փորձագետ Լոուրենս Նորմանը կարծում է՝ Իրանը մտադիր է շարունակել միջուկային ծրագրի շուրջ երկխոսությունը եվրոպական երկրների հետ՝ «պահպանելով Արեւմուտքի հետ հարաբերությունների հորիզոնը»: Պատասխանելով այն հարցին, թե արդյո՞ք Իրանը մտադիր է Ռուսաստանի հետ համաձայնագիրն օգտագործել որպես ճնշման գործիք, Նորմանը պնդում է, որ «անցած ժամանակահատվածում Իրանի նկատմամբ եվրոպական տոնայնությունը փոխվել է եւ ավելի սուր է դարձել, իսկ եվրոպական անվտանգության ծառայությունները լուրջ տարաձայնություններ են սկսել Իրանի հետ, դա Թեհրանին ավելի է մղում դեպի Ռուսաստան»,- շարունակել է Տարասովը:

Իր հերթին մերձավորարեւելյան փորձագետ Մոհամմադ Բայաթը ենթադրում է՝ Իրանը «չի բացառում եվրոպական երկրների հետ համապարփակ ռազմավարական համաձայնագրի ստորագրումը» եւ մտադիր է «Թրամփին մղել բանակցությունների»:

«Բայց ընդհանուր առմամբ, բոլորը դեռ սպասում են Թրամփի արձագանքին Ռուսաստանի եւ Իրանի միջեւ պայմանագրի կնքման վերաբերյալ, քանի որ իրանական «խաղը» շոշափում է ոչ միայն Արեւմուտքի եւ Ռուսաստանի, այլեւ տարածաշրջանային հիմնական խաղացողների շահերը», - ամփոփել է Տարասովը:

Աղբյուրը՝ iarex.ru-ի

Թարգմանությունը՝ Գայանե Մանուկյանի