Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
ԱՄՆ-ի, ԵՄ-ի, Ավստրալիայի և այլ երկրների ավիաընկերությունների աշխատանքում գլոբալ խափանումներ են տեղի ունեցել, ինչը կարող է պայմանավորված լինել Windows օպերացիոն համակարգի անսարքությամբ ամբողջ աշխարհի օգտատերերի համար, ըստ tert.am-ի՝ հայտնում են Reuters-ը, Forbes-ը, The Economic Times-ը և CNN-ը:
Մասնավորապես, ամերիկյան խոշորագույն ավիաընկերությունները՝ American Airlines-ը, United Airlines-ը, Delta Airlines-ը և Frontier Airlines-ն արդեն հայտարարել են խափանման պատճառով թռիչքների դադարեցման մասին։
Թուրքիայի խոշորագույն ավիաընկերությունը՝ Turkish Airlines-ը, նույնպես հայտնել է գլոբալ խափանման մասին, որը խնդիրներ է առաջացրել տոմսերի ամրագրման և գրանցման հետ կապված:
Նույն իրավիճակն է Հնդկաստանի օդանավակայաններում:
Նշվում է, որ Իսպանիայի բոլոր օդանավակայաններում տեղի է ունեցել «համակարգչային համակարգերի հետ կապված միջադեպ»:
Մեծ Բրիտանիայի մի քանի օդանավակայաններ նույնպես ստիպված են եղել դադարեցնել թռիչքները։
Ինչպես հայտնում է CNN-ը, թռիչքների չեղարկման ու ուշացումների պատճառը Microsoft Azure ամպային պահեստավորման հարթակի անսարքությունն է։
Նշվում է, որ խափանում են առաջացել նաև բանկերի և հեռուստաալիքների աշխատանքում: