Փոխարժեքներ
08 09 2024
|
||
---|---|---|
USD | ⚊ | $ 387.09 |
EUR | ⚊ | € 429.94 |
RUB | ⚊ | ₽ 4.32 |
GBP | ⚊ | £ 509.68 |
GEL | ⚊ | ₾ 143.79 |
Հուլիսի 8-10- ը Արցախի Ազգային Ժողովի որոշմամբ ստեղծված Արցախահայերի հիմնարար իրավունքների պաշտպանության հանձնախմբի անդամներից բաղկացած խումբը «Միջազգային քրիստոնեական համերաշխություն» կազմակերպության հրավերով այցելեց Ժնև և Բեռն։
Վարդան Օսկանյանի գլխավորած պատվիրակությունը, որի կազմում էին միջազգային իրավագետ Գառնիկ Քերքոնյանը և ԱՀ արտաքին գործերի նախկին փոխնախարար Արմինե Ալեքսանյանը, մի շարք հանդիպումներ են ունեցել ՄԱԿ տարբեր գործակալությունների ներկայացուցիչների, Ժնևում և Բեռնում գործող իրավապաշտպան կազմակերպությունների և հետազոտական կենտրոնների, ինչպես նաև ՄԱԿ անդամ երկրների ներկայացուցչությունների հետ։
Հանձնախմբի անդամները Ժնևում և Բեռնում հանդիպել են նաև համայնքային և դաշնային խորհրդարանականների հետ։
Քննարկումների առանցքում էին Լեռնային Ղարաբաղից տեղահանված հայերի հավաքական վերադարձի իրավունքի, Բաքվում ձերբակալված հայ ռազմագերիների և պատանդների ազատ արձակման, Լեռնային Ղարաբաղում հայկական պատմա-մշակութային ժառանգությունը ադրբեջանական պղծումից եւ ոչնչացումից պաշտպանելու հարցերը:
Հուլիսի 8-ին Վարդան Օսկանյանը ելույթ է ունեցել ՄԱԿ Մարդու Իրավունքների խորհրդի 56-րդ նստաշրջանի ռասիզմի ժամանակակից ձևերի վերաբերյալ հատուկ զեկուցող Աշվինի Ք.Պ ինտերակտիվ երկխոսության շրջանակներում, կոչ անելով հետաքննել Լեռնային Ղարաբաղի էթնիկ զտումների փաստը։
Երեքշաբթի, հուլիսի 9-ին, «Միջազգային քրիստոնեական համերաշխություն» կազմակերպության նախաձեռնությամբ՝ ՄԱԿ մարդու իրավունքների խորհրդի 56-րդ նստաշրջանի շրջանակներում, պատվիրակության անդամների մասնակցությամբ կայացել է «Հարավային Կովկասում կայուն խաղաղության հաստատման բանալիները» վերտառությամբ զուգահեռ միջոցառում։ Միջոցառմանը կարեւորվել է բռնի տեղահանված Լեռնային Ղարաբաղի ժողովրդի հավաքական վերադարձի իրավունքի ապահովումը՝ որպես Հայաստանի եւ Ադրբեջանի միջեւ կայուն խաղաղության հաստատման էական մաս:
Այցի շրջանակներում Լեռնային Ղարաբաղի ժողովրդի հիմնարար իրավունքների պաշտպանության հանձնախմբի անդամները հանդիպել են նաև Շվեյցարիայում հայ համայնքի ներկայացուցիչների հետ։
Լեռնային Ղարաբաղի ժողովրդի հիմնարար իրավունքների պաշտպանության հանձնախումբ