Ալմաթիում մեկնարկել է ՀԱՊԿ պաշտպանության նախարարների հանդիպումը՝ առանց Հայաստանի մասնակցության

Ալմաթիում սկսվել է Հավաքական անվտանգության պայմանագրի կազմակերպության (ՀԱՊԿ) երկրների պաշտպանության նախարարների խորհրդի նիստը: Այս մասին հայտնում է ТАСС-ը։

Հայաստանը հանդիպմանը չի մասնակցում։

Ինչպես ավելի վաղ ՏԱՍՍ-ի թղթակցին հայտնել Է կազմակերպության քարտուղարության ներկայացուցիչ Յուրի Շուվալովը, Հայաստանը չի մասնակցում խորհրդի նիստին, սակայն չի առարկում Ալմաթիում սահմանափակ ձեւաչափով որոշումների ընդունմանը:

Միջոցառումն անցկացվում է ՀԱՊԿ-ում Ղազախստանի նախագահության շրջանակներում: Դրա մասնակիցները կքննարկեն ՀԱՊԿ Հավաքական անվտանգության տարածաշրջաններում ռազմական անվտանգության մարտահրավերներն ու սպառնալիքները եւ կազմակերպության ռազմական բաղադրիչի զարգացման հարցերը: