Իրական Հայաստան ինքն ունեցել է և դրա 30 տոկոսը հանձնել է թշնամուն․ Իշխան Սաղաթելյան

«Հայաստան» խմբակցության պատգամավորների հերթական հանդիպումը Գեղարքունիքի մարզի Մարտունի քաղաքում էր․ մարտունեցիների հետ հանդիպման էին մեկնել  ՀՅԴ Հայաստանի Գերագույն մարմնի ներկայացուցիչ, «Հայաստան» խմբակցության պատգամավոր Իշխան Սաղաթելյանը, խմբակցության ղեկավար Սեյրան Օհանյանը, պատգամավորներ՝  Աղվան Վարդանյանը, Արման Ղազարյանը, Քրիստինե Վարդանյանը, Թադևոս Ավետիսյանը, Գեղամ Մանուկյանը։ Հանդիպման ժամանակ պատգամավորները խոսել են Տավուշում հայկական զորքերի ետքաշման երկարաժամկետ ու խորքային բոլոր հետևանքների մասին, քննարկել օրվա իշխանության առաջարկած վտանգավոր օրակարգերին՝ հանրային դիմադրության ցուցաբերելու կարևորությունը, ներկայացրել ՝  ճգնաժամային իրավիճակը  հաղթահարելու ուղիները։

«Գյումրիում Նիկոլ Փաշինյանն արդեն բոլոր խաղաքարտերը բացեց․ խոսում է շատ բաց, ասում է՝ ես և ՔՊ-ն ունենք մի առաքելություն՝ մենք պատմական Հայաստանից պետք է անցնենք իրական Հայաստան։ Հայաստանի Հանրապետությունը, որ ինքը ստանձնել է 2018 թվականին, 42,500 քառակուսի կիլոմետրանոց 2 հայկական պետություն է եղել․․․  42,500 քառակուսի կիլոմետրի 30 տոկոսն արդեն հանձնել է թշնամուն»,-ասաց Իշխան Սաղաթելյանը։
Մանրամասն՝ տեսանյութում։