Մակրոնի և Շոլցի միջև հակամարտությունը վերածվում է բացահայտ թշնամանքի

Գերմանիայի կանցլեր Օլաֆ Շոլցի և Ֆրանսիայի նախագահ Էմանուել Մակրոնի միջև լուրջ տարաձայնություններ են առաջացել Ուկրաինային օգնելու հարցում։ Այս մասին գրում է ամերիկյան «Politico» թերթը:

«Շոլցի և Մակրոնի միջև տարաձայնությունները վերաճում են բացահայտ թշնամանքի»,- գրում է պարբերականը:

Ըստ թերթի` նրանք չեն կարողանում համաձայնության գալ զենքի մատակարարման հարցում։ Բեռլինը չի ցանկանում Կիևին փոխանցել «Taurus» հրթիռները, մինչդեռ Փարիզն ավելի վաղ պարտավորվել էր Ուկրաինային ուղարկել իր թևավոր SCALP հրթիռները:

Հակասության ևս մեկ պատճառ է դարձել Ռուսաստանի սահման զինվորներ ուղարկելու հարցը։ Օրինակ` Շոլցը բազմիցս հայտարարել է, որ ՆԱՏՕ-ն Ուկրաինայում հակամարտության կողմ չի դառնա, և գերմանացի զինծառայողներ Ուկրաինա չեն ուղարկվի։ Ֆրանսիայի առաջնորդն էլ հնարավոր է համարել արևմտյան զինվորների հնարավոր ուղարկումն Ուկրաինա, սակայն նրա այս գաղափարը քննադատության է արժանացել։

Շոլցը նաև դժգոհ է, որ Գերմանիան ավելի շատ օգնություն է ցուցաբերել Կիևին, քան Ֆրանսիան: Քիլի համաշխարհային տնտեսության ինստիտուտի տվյալներով՝ Գերմանիայի օգնությունը հատուկ գործողության ընթացքում հասել է 17,7 մլրդ եվրոյի, մինչդեռ Ֆրանսիան ընդամենը 635 մլն եվրո է հատկացրել։