կարևոր
1687 դիտում, 1 ամիս առաջ - 2024-02-23 14:14
Քաղաքական

Հայաստանը պաշտոնապես չի ծանուցել ՀԱՊԿ-ին անդամակցության կասեցման մասին. Պեսկով

Հայաստանը պաշտոնապես չի ծանուցել ՀԱՊԿ-ին անդամակցության կասեցման մասին. Պեսկով

Երևանը պաշտոնական ծանուցումներ չի ուղարկել Հավաքական անվտանգության պայմանագրի կազմակերպությանը (ՀԱՊԿ) անդամակցության սառեցման վերաբերյալ, «Զվեզդա» հեռուստաալիքին ասել է ՌԴ նախագահի մամուլի քարտուղար Դմիտրի Պեսկովը, փոխանցում է ТАСС-ը։

«Հայկական կողմը պաշտոնական գործողություններ չի ձեռնարկել այս առումով։ Նկատի ունենք՝ մեր գործընկերների հետ կապի մեջ մտնել և պարզաբանել այդ հայտարարությունների իմաստը»,- ասել է նա։

Պեսկովը նշել է, որ այս դեպքում շատ կարևոր է հասկանալ մանրամասները։

«Հուսանք, որ մեր հայ ընկերները մեզ ամեն ինչ կբացատրեն»,- հավելեց նա։

Հիշեցնենք՝ Նիկոլ Փաշինյանը France24-ին տված հարցազրույցում ասել է, որ Հայաստանի վերաբերյալ հավաքական անվտանգության պայմանագիրը չի կատարվել, և Երևանը սառեցրել է իր մասնակցությունը ՀԱՊԿ-ին։

Ավելի ուշ ՀԱՊԿ-ը մեկնաբանել էր Փաշինյանի՝ անդամակցության կասեցման մասին հայտարարությունը։