Հերթական վտանգավոր քայլը կամ «Հայաստանի պատմությունը» «Հայոց պատմություն» չէ. ՀՊՄՀ պրոֆեսոր

«Հայաստանի պատմություն», թե՞ «Հայոց պատմություն»։

Առաջին հայացքից կարող է թվալ, թե հերթական բուն օրակարգից և գլխավոր խնդիրներից շեղող թեմա է շրջանառության մեջ մտցվում։

Բայց դա այդպես չէ։ Հայ ժողովրդին ինքնությունից կտրելու, պայքարի հարուստ սնուցումից զրկելու հերթական վտանգավոր քայլն է արվում։

Չկա ոչ մի հակասություն ոչ մի փաստաթղթի հետ։

Բովանդակային առումով «Հայաստանի պատմությունը» «Հայոց պատմություն» չէ։ «Հայոց պատմությունը» նաև «Հայաստանի պատմություն»։

Հայոց պատմությունը ներառում է թե պետականության, թե մշակույթի, թե պետականազուրկ շրջանի, թե գաղթաշխարհի և սփյուռքի պատմությունը։ Իսկ մեր ինքնությունը, պատմական անցյալը դրանք բոլորը միասին են։

Հավատացեք, Արցախը վերադարձնելը ավելի հեշտ է լինելու, քան աղճատված պատմական հիշողությունը վերականգնելը։ Ավելին, նաև մեր ամբողջական պատմության ընկալմամբ ենք զորանալու՝ Արցախը, և ոչ միայն Արցախը, ետ բերելու համար։

Հ․ Գ․ Վաղը կարող են պարտադրել, որ «Հայաստանի պատմությունը» «29,8 հազար կմ2-ի պատմությունն է և վերջ։ Մնացածը մերը չէ․․․»։

Խաչատուր Ստեփանյան

ՀՅԴ Հայաստանի ԳՄ անդամ,

Պատմական գիտությունների դոկտոր, պրոֆեսոր,

Խ. Աբովյանի անվան ՀՊՄՀ համաշխարհային պատմության և նրա դասավանդման մեթոդիկայի ամբիոնի վարիչ