կարևոր
1318 դիտում, 7 ամիս առաջ - 2023-10-16 12:08
Քաղաքական

Ալիևն այնտեղ է տանջում ու հետապնդում մեր գործիչներին, Նիկոլն՝ այստեղ․ Հրանտ Մելիք-Շահնազարյան

Ալիևն այնտեղ է տանջում ու հետապնդում մեր գործիչներին, Նիկոլն՝ այստեղ․ Հրանտ Մելիք-Շահնազարյան

Քաղաքագետ Հրանտ Մելիք-Շահնազարյանն իր ֆեյսբուքյան էջում գրել է.

«Հայ ժողովուրդը բազում գերիներ ունի Բաքվում և Երևանում։ Ալիևն այնտեղ է տանջում ու հետապնդում մեր գործիչներին, Նիկոլն՝ այստեղ։ Երկուսը համագործակցաբար են աշխատում՝ թիրախում պահելով նրանց, ովքեր ժողովրդին համախմբելու ու առաջնորդելու համեմատաբար ավելի մեծ պոտենցիալ ունեն։

Դա է Բակո Սահակյանի, Լևոն Մնացականյանի, Դավիթ Մանուկյանի, Նարեկ Մալյանի, Արմեն Աշոտյանի, Գրիգորի Խաչատուրովի և մնացած բոլորի ամենամեծ «մեղքը»։

Շատ-շատերին էլ Ալիև-Փաշինյան զույգը խոսքազուրկի և գրեթե գերու կարգավիճակում է պահում։ Շանտաժով, իրենց ընկերներին ու Հայաստան գաղթած բոլոր արցախցիներին վնասելու սպառնալիքով և այլ կեղտոտ ճանապարհներով լռեցնում են բոլոր նրանց, ովքեր դեռ կարող են ինչ-որ դրական փոփոխություն բերել մեր երկրին ու հայրենակիցներին։ Եվ անում են դա շատ հետևողական։

Փոխարենը գործելու մեծ հնարավորություն է տրվում սամվելբաբայանատիպ ազգադավներին։ Հետո էլ մարդիկ զարմանում են, թե ոնց է թշնամին կարողանում կտոր-կտոր պոկել և ուտել մեր Հայրենիքը։ Այ հենց այդպես էլ կարողանում է…»»։