24 04 2024
|
||
---|---|---|
EUR | ⚊ | 415.63 |
GBP | ⚊ | 481.74 |
GEL | ⚊ | 145.81 |
RUB | ⚊ | 4.18 |
USD | ⚊ | 390.04 |
Արցախը՝ որպես հասարակական-քաղաքական միավոր, ցուցադրում է պետական միասնություն եւ համերաշխություն։ Այս մասին NEWS.am-ի հետ զրույցում ասաց Լիբանանում լույս տեսնող «Ազդակ» թերթի գլխավոր խմբագիր Շահան Գանտահարյանը։ Նա կոչ արեց պահպանել այդ գիծը եւ այն դարձնել ուղենիշ՝ ի դեմս ճակատագրական օրակարգերի։ «Կարծում եմ, որ նման պայմաններում պետք է գործնական մեթոդաբանություն որդեգրել պետական ինստիտուտների բոլոր գործառույթներն ու լիազորությունները պահպանելու, օրենքի շրջանակներում բոլոր քայլերն իրականացնելու համար»,-նշեց Գանտահարյանը:
Նա հիշեցրեց, որ հակամարտության ողջ էությունը հիմնված էր ինքնորոշման սկզբունքի վրա։ «Արցախի ժողովուրդը որդեգրել է պետականության կայացման, սահմանադրական իրավունքների իրացման կուրս, որպեսզի սահմանադրական փոփոխություններն իրականացվեն լեգիտիմ կերպով։ Այս ամենի հիմքում ընկած է արցախահայության ինքնորոշման սկզբունքը։ Այս սկզբունքը ոչ միայն չի կարելի խախտել, այլեւ պետք է պահպանել եւ միջազգային հանրությանը ցույց տալ, որ Արցախը շարունակում է ապրել ամենաժողովրդավարական պայմաններում եւ անգամ շրջափակման մեջ եւ էթնիկ զտումների սպառնալիքի պայմաններում, ցույց տալ, որ չի նահանջում ինքնորոշման սկզբունքի վրա հիմնված ժողովրդավարական ռեժիմից»,-նշեց Գանտահարյանը։
Աղբյուրը՝ NEWS.am