կարևոր
4000 դիտում, 1 տարի առաջ - 2023-02-06 14:29
Տարածաշրջան

Սիրիայում փլատակների տակից հանած ազգությամբ հայ տղամարդուն և նրա դստերը վիրահատում են

Սիրիայում փլատակների տակից հանած ազգությամբ հայ տղամարդուն և նրա դստերը վիրահատում են

Սիրիայի երկրաշարժի հետևանքով հայերի շրջանում անհետ կորածների մասին դեռ լուրեր չկան։

Հալեպում շենքերից մեկի փլատակներից հանած ազգությամբ հայ երկու անձի այս պահին վիրահատում են։ Տեղեկությունը հայտնում է Սիրիայի հայկական «Գանձասար» պարբերականի լրագրողը։

Հայտնել էինք, որ երկրաշարժի հետևանքով զոհվել են մայր և որդի Միրնա և Ալպեր Թեքեճյաններն են։ Հորը հաջողվել էր փլատակների տակից հանել, ոտքերն ամպուտացվել են։ Աշխատանքներ էին տարվում դստերը նույնպես փլատակների տակից հանելու ուղղությամբ։

«Հայրն ու դուստրն այս պահին հիվանդանոցում են և վիրահատության են ենթարկվում։ Հայերի շրջանում անհետ կորածների մասին դեռ լուրեր չկան, կան մի քանիսը, որոնք թեթև վնասվածքներ են ստացել»,–ասում է լրագրողը։

Նրա խոսքով` ընդհանուր առմամբ, Սիրիայի ավերիչ երկրաշարժի հետևանքով զոհերի թիվը հասել է շուրջ 350-ի, իսկ վիրավորներինը` 600-ի։ Միայն Հալեպում 46 բնակելի կառույց է փլվել։

Նշվում է նաև, որ Սիրիայում մի քանի անուն դեղորայքի կարիք կա։