Վանում փլատակների տակից դուրս է բերվել մոտ 40 մարդ (տեսանյութ)

Արեւմտահայաստանի Վանի նահանգում որոնողական աշխատանքները շարունակվում են: Փրկարարներին հաջողվել է փլատակների տակից դուրս բերել ողջ մնացած 40 հոգու:

27-ամյա ուսուցչուհին ավերակների տակ մնացել էր 67 ժամ: Հիվանդանոցում նրա սրտի աշխատանքը կանգ է առել, բայց բժիշկներին հաջողվել է փրկել նրա կյանքը. տեղեկացնում է webtv.hurriyet թուրքական կայքը:

Փրկվել է նաև 18-ամյա մի ուսանող: Նա էլ փլատակների տակ մնացել էր 61 ժամ: Փրկարարները գործի էին դրել երկար փայտերի ծայրին ամրացված փոքրիկ տեսախցիկները, որոնց շնորհիվ էլ տղան հայտնաբերվել է:

Իսկ նախօրեին փրկարարները դուրս էին բերել մի ամբողջ ընտանիք` 14-ամյա աղջկա, նրա մորը և տատիկին: