կարևոր
2776 դիտում, 1 տարի առաջ - 2022-12-22 11:17
Աշխարհ

Սենատը Լին Թրեյսիին հաստատեց Ռուսաստանում ԱՄՆ-ի դեսպանի պաշտոնում

Սենատը Լին Թրեյսիին հաստատեց Ռուսաստանում ԱՄՆ-ի դեսպանի պաշտոնում

Միացյալ Նահանգների Կոնգրեսի Սենատը հաստատել է Լին Թրեյսիի թեկնածությունը Ռուսաստանում ԱՄՆ դեսպանի պաշտոնում։

Նախագահ Ջո Բայդենի կողմից սեպտեմբերին առաջադրված թեկնածությունը պաշտպանել է 93 օրենսդիր, դեմ է քվեարկել երկու սենատոր։

Նա կլինի Նահանգների առաջին կին դեսպանը Ռուսաստանում։ Պրոֆեսիոնալ դիվանագետ Թրեյսին մինչ այս ԱՄՆ-ի դեսպանն էր Հայաստանում։ Դիվանագիտական գործունեության ընթացքում նախկինում նա աշխատել է Մոսկվայի դեսպանատանը, ինչպես նաև Պետդեպարտամենտում Եվրոպայի և Եվրասիայի բաժնում զբաղեցրել է Ռուսաստանի գծով ավագ խորհրդականի պաշտոնը։