Փաստաբանը չի՞ կարող գրավի միջնորդություն ներկայացնել. Վարդևանյանը՝ Էրիկ Ալեքսանյանի գործի մասին

Այս գործով ես ունեմ օբյեկտիվությամբ հանդես գալու որոշակի խնդիր՝ Էրիկ Ալեքսանյանը իմ ընկերն է, հայրենասեր լավ մարդ է, օրենքի և իրավունքի համար պայքարող տեսակ է։ Այս մասին լրագրողների հետ զրույցում ասաց ՀՀ ԱԺ «Հայաստան» խմբակցության պատգամավորը Արամ Վարդևանյանը: 

 «Հարուցում են քրեական գործ՝ թիրախավորելով փաստաբանի։ Կալանքի ֆետիշացման ավարտ լինելո՞ւ է, թե` ոչ։ Ամիսներ առաջ մենք կրկին հավաքված էինք այս դատարանի առջև, որտեղ սկսել էր Բորիս Բախշիյանի հանդեպ քրեական հետապնդումը։ Այն, որ այդ ամբողջ քրեական գործը աբսուրդ էր, պարզ էր բոլորին։ Դատավորը չպետք է որոշի, ակտը օրինական է, թե՝ ոչ։ Սա նոր մեթոդ է, որտեղ քննիչը կարող է որոշել, որ ինքը այդ կարգի լիազորություն ունի»: 

 Պատգամավորը նշեց, որ հարց է առաջանում՝ ինչո?ւ կալանավորել, ի՞նչու հարցը հասցնել կալանավորման։ «Հասարակության մեջ արդյո՞ք կա ինչ-որ մեկը, ով կարծում է, որ Էրիկ Ալեքսանյանը կարող է խոչընդոտել ինչ-որ քննությանը։ Պե՞տք է կատարի նոր հանցանք, թե պե՞տք է թաքնվի։ Նա հանրային ճանաչում ունեցող անձ է, ով կարողացել է ներկայանցել միջնորդություն կալանավորման վերացման համար, ով վստահություն է վայելել նաև հենց իր անձով պայմանավորված և դատարանները բավարարել են այդ միջնորդությունները։ Մարդ, ով արել է այս ամենը պետք է իրավագիտակցության խնդի՞ր ունենա։ Խոսում ենք այն մարդու մասին, ով ունի անբասիր վարք։ Իրենք ունեն որոշ կասկածներ, սակայն համոզված եմ, որ այդ կասկածները իրականության հետ առնչություն չեն ունենալու»:

 Նա նշեց, որ իրավական համակարքը մի կառույց է, որն ունի իր համապատասխան ատյանները և գործիքները՝ Վերաքննիչ ատյան և Վճռաբեկ ատյան.

«Եթե այդ իրավիճակից շեղում է լինում՝ պետք է լինի բացառիկ հիմնավոր։ Եթե անձը կալանավորված է լինում, և ունենում է փաստաբան, ինչ պետք է անի փաստաբանը, պետք է ներկայացնի գրավի միջնորդություն։ Չներկայացնելու դեպքում` կասեն գործը լավ չի կատարում»:

 Առավել մանրամասն՝ տեսանյութում: