Բոստոնում տեղի կունենա Արցախյան 44-օրյա պատերազմի զոհերին նվիրված միջոցառում

Բոստոնի Հայ-ամերիկյան համայնքը հիշում է Արցախի 150 հազար բնակչության դեմ Թուրքիայի և Ադրբեջանի վայրագությունների մեկ տարին. նոյեմբերի 7-ին տեղի կունենա «Հուշ-միջոցառում՝ նվիրված Արցախյան 44-օրյա պատերազմի զոհերին»։

Արևելյան Մասսաչուսեթսի հայ եկեղեցու կողմից ղեկավարվող միջոցառմանը ելույթ կունենա Արցախի պետնախարար Արտակ Բեգլարյանը։ 

Հիշեցնենք, որ ՀՅԴ-ն աշխարհի տարբեր հատվածներում նոյեմբերի 7-9-ը կկազմակերպի բողոքի ակցիաներ ըննդեմ Հայաստանի թուրքացման և հաջակցություն Հայաստանում ծավալվող Դիմադրության շարժման։ 

Նկատի ունենալով Հայաստանի եւ Արցախի անվտանգային լրջագույն խնդիրները, Ադրբեջանի եւ Թուրքիայի հետ ՀՀ իշխանությունների բացահայտ եւ կուլիսային պայմանավորվածությունների հարուցած վտանգներն ու հնարավոր անդառնալի հետեւանքները` ՀՅԴ կառույցը աշխարհի տարբեր անկյուններում նոյեմբերի 8-9-ը կազմակերպում է ակցիաներ` ի զորակցություն Հայրենիքում ձեւավորվող ազգային դիմադրության՝ ընդգծելով Հայրենիքի, Սփյուռքի միասնականությունը, համախմբվածությունը Հայաստանի, Արցախի եւ համայն հայության իրավունքների պաշտպանության հարցում։