Մահացել է փաստաբան Ռուբեն Սահակյանը

Նա ծնվել է 1947թ-ին Երևանում, ավարտել է Վոլգոգրադի բարձրագույն իրավաբանական դպրոցը, ստացել է քրեագետ իրավաբանի որակավորում:

Աշխատանքային գործունեություն

Մինչեւ 1984 թ. աշխատել է ՆԳ համակարգում՝ որպես քննիչ, բաժանմունքի պետ,

1985թ-ից ընդգրկվել է ՀՀ փաստաբանական կոլեգիայի շարքերը, միության խորհրդի անդամ է եղել,

1988թ-ից եղել է ՀՀՇ իրավաբանական խմբի անդամ,

1990թ-ին ընկերների հետ ստեղծել է «Արցախ» իրավաբանական կոնսուլտացիան,

2005թ. հոկտեմբերի 4-ին ընտրվել է Փաստաբանական պալատի առաջին նախագահ և պաշտոնավարել մինչև 2013թ. հոկտեմբերի 4-ը:

Նշենք մի կարևոր փաստ, որ սումգայիթյան ջարդերից անմիջապես հետո Ռուբեն Սահակյանը, հակառակ բոլոր սպառնալիքներին, մեկնել էր Ռուսաստան, որտեղ պաշտպանել է բռնությունների ենթարկված մեր հայրենակիցներին: