Վերջին 3 շաբաթում Փաշինյանը 3 անգամ բողոքել է ինձնից Կրեմլին. Գաբրելյանովը Փաշինյանին բանավեճի է հրավիրել՝ պարզելու, թե ով է իրենցից սադրիչը

Անցած երեք շաբաթների ընթացքում Նիկոլ Փաշինյանը երեք անգամ բողոքել է ինձնից Կրեմլին: Նա ասում է, որ ես իրեն վարկաբեկում եմ, փնովում և նման այլ բաներ: Վերջին վարկածն այն է, որ ես այս ամենն անում եմ՝ Ադրբեջանի շահերից ելնելով, որպեսզի թույլ չտամ Նիկոլ Վովաևիչի բարեկամությունը Ռուսաստանի հետ. թելեգրամյան իր ալիքում գրում է ռուսաստանահայ լրագրող, հրապարակախոս, մեդիամագնատ Արամ Գաբրելյանովը։

«Հաշվի առնելով, որ թե՛ պարոն Փաշինյանը, թե՛ ես լրագրողներ ենք, պաշտոնապես հայտարարում եմ, որ պատրաստ եմ ցանկացած պահի գալ Երևան և ուղիղ բանավեճ կազմակերպել Նիկոլի հետ: Եվ այդ ժամանակ կտեսնենք, թե ով է սադրիչն ու գործակալը»,– հայտարարել է Գաբրիելյանովը։

«Ես պատասխանի եմ սպասում Փաշինյանից, եթե, իհարկե, նա, ինչպես միշտ, չխուսափի»,– եզրափակել է նա։