ԱՄՆ պետքարտուղարը շնորհավորել է Հայաստանին Անկախության տոնի առթիվ

ԱՄՆ պետքարտուղար Մայք Պոմպեոն շնորհավորել է Հայաստանի ժողովրդին Անկախության տոնի առթիվ: Այս մասին ուղերձը տեղ է գտել ԱՄն պետդեպարտամենտի պաշտոնական կայքում:

Ուղերձում, մասնավորապես, ասվում է. 

«Միացյալ Նահանգները կշարունակի կառուցել մեր երկկողմ գործընկերությունը, մինչ մենք ամրապնդում ենք մեր ժողովրդի կապերը, որոնց հիմքում ընկած են ընդհանուր ժողովրդավարական արժեքներ և խաղաղության ու բարգավաճման ձգտումը:

Նահանգները ողջունում է օրենքի գերակայությունն ամրապնդելու, անկախ դատական համակարգ հիմնելու և տնտեսական ու ներդրումային հնարավորությունները մեծացնելու հարցում Հայաստանի շարունակական նվիրվածությունը: Մենք ողջունում ենք կոռուպցիայի դեմ պայքարի` Հայաստանի շարունակական ջանքերը թափանցիկության, պատշաճ գործընթացի և քաղաքացիների պատասխանատվության բարձրացման միջոցով և կշարունակենք աջակցել ձեզ այս ջանքերում:

Միևնույն ժամանակ, մենք հավատարիմ ենք մնում Լեռնային Ղարաբաղի հակամարտության խաղաղ կարգավորման հարցում օգնելուն և կողմերին հորդորում ենք հնարավորինս շուտ վերսկսել առարկայական բանակցությունները Մինսկի խմբի համանախագահների հովանու ներքո:

Թեև COVID-19-ն այս տարի եզակի մարտահրավերներ է նետել աշխարհին, մենք հպարտ ենք, որ համավարակի դեմ պայքարում մեր սերտ համագործակցությունն է՛լ ավելի է ամրապնդել մեր ժողովուրդների միջև համագործակցությունը:

Հայ ժողովրդին մաղթում եմ խաղաղության, ազատության և բարեկեցության տարի»: