Ի՞նչ համային նախասիրություններ ունի Եղիսաբեթ II-ը

Մեծ Բրիտանիայի թագուհու նախկին անձնական խոհարար Դարեն Մաքգրեդը պատմել է նրա համային նախասիրությունների մասինԼ այս մասին գրում է Daily Mail-ը:

Մասնավորապես՝ Մաքգրեդի խոսքով, Եղիսաբեթ II-ը սիրում է ծովախեցգետիններ, որոնք որսում են Լանկաշիր կոմսությունում. այս ծովամթերքի հետ հաճախ բուտերբրոդներ են մատուցվում: «Դրանք փոքր շագանակագույն ծովախեցգետիններ են, որոնք մարինացնում են գաղտնի կծու յուղի մեջ»,- պատմել է խոհարարը:

Բացի այդ, հայտնի է դարձել, որ թագուհուն դուր չի գալիս սխտորի համը, հետևաբար նրա համար պատրաստվող ուտեստներում սխտոր չեն օգտագործում:

Նշվում է նաև, որ Եղիսաբեթ II-ի ճաշացանկում օգտագործվող բանջարեղենն ու մրգերը աճեցվում են թագավորական ընտանիքի կալվածքներում, մասնավորապես, շոտլանդական Բալմորալ նստավայրում:

Խոհարարի խոսքով՝ Բուքինգհեմյան պալատում նրա աշխատանքը զգալիորեն տարբերվում էր ցանկացած հեղինակավոր ռեստորանում կամ հյուրանոցում աշխատանքից, քանի որ ճաշացանկի յուրաքանչյուր ուտեստ պետք է համապատասխաներ թագուհու նախասիրություններին: